مدونة أكلنى

طريقة تحضير الفراخ البانية

طريقة تحضير الفراخ البانية

الفراخ البانية من الأكلات سهلة التحضير و اللي الأطفال كمان بيحبوها واللي بنلجأ ليها لما بيكون مفيش وقت كافي للطبيخ وكمان ممكن تتأكل بأشكال كتير سواء مع المكرونات , كسندوتشات أو مع المحشي و لو زهقتي من طريقة التقليدية للتتبيلة البانية معانا رحمة صلاح في انت الشيف هتقدملنا الخلطة السرية للفراخ البانية
المكونات :
كيلو بانيه
ملح
فلفل الاسود
بهارات فراخ
فجان صغير خل أبيض
زيت زيتون
لبن
بقسماط
دقيق
البابريكا
بصل بودر
ثوم بودر
بيض
طريقة التحضير :
هنجيب كيلو بانيه ونحطه فى علبة ونتبلة بالملح والفلفل الاسود ورشه من بهارات الفراخ وفجان صغير خل أبيض ولو متوفر زيت زيتون يبقى معلقة منه لو لا خلاص , ونغطى الفراخ باللبن وده مهم جدا علشان الفراخ تطلع طريه معاكى ونقفل العلبة ونسبها فى التلاجة مش أقل من ساعة والأحسن من بليل للصبح .
وقبل التحمير على طول هنجيب طبق فيه بيض وعليه رشه ملح ورشه فلفل اسود وشويه لبن صغيرين ونضربهم فى بعض وطبق تانى فيه بقسماط وطبق ثالث فيه دقيق متبل بالملح , الفلفل ,البابريكا , البصل البودر والثوم البودر نحط الفراخ فى الدقيق وبعدين البيض واخر حاجه البقسماط .
هنجيب طاسه سخنه على نار متوسطة وحمرى البانية لحد ما ياخد اللون ذهبى جميل وكلى أحلى فراخ بانيه فى حياتك
اللى حابب يضيف حبهان مطحون أو اى توبل خاصه بالفراخ بيحبها للتبيله مفيش مشكله .