مدونة أكلنى

طريقة عمل السميبوسة

طريقة عمل السميبوسة

زي ما في حلويات و عصائر مبتظهرش غير في شهر رمضان بس في كمان أكلات بتبقي اساسية في سفرة رمضان زي السمبوسة كل اشكالها سواء كانت بالجبنة او باللحمة المفرومة و رحمة صلاح في هتقولها ازاي بتعمل السمبوسة مقرمشة وخفيفة .
المقادير :
عجينه السمبوسه
3 كوبيات دقيق
معلقه كبيره سمنه
معلقه كبيره خل أبيض
معلقه صغيره ملح
معلقه صغيره سكر
كوبايه مايه عاديه للعجن
بس خلاص : )
الطريقه التحضير :
نحط الدقيق بعد نخله طبعا فى بوله أو في طبق للعجن ونحفر حفرة فى النص ونحط فيها السمنه والخل والملح والسكر والمياة ونعجن .
يدوب العجينه تلم معاكى متعجنيش كتير تتلم معاكى وخلاص غطيها بكيس بلاستيك وسبيها ترتاح لمدة 30 دقيقة .
وبعدها نقسمهم كور صغيرة وافردى كل كوره وهاتى قطاعه او كوبايه صغيره واقطعى الدايره اللى فى النص واحشيها اى حاجه بتحبيها جبن بانواعها أو لحمه متعصجه ونطبقها زى الصورة ونبرم الحروف أ و اى شكل تحبيه .
وفى الزيت واقليها وزينيها ببقدونس .
بالهنا و الشفاء