مدونة أكلنى

طريقة عمل سمك بالصلصة

طريقة عمل سمك بالصلصة

السمك من الأكلات المفيدة للجسم واللي بيفضل انه يتأكل مره واحدة علي الأقل في الأسبوع لانه بيمدك بالمواد الغذائية اللي بيحتاجها جسمك زي البروتين و الفسفور و كمان بيدلك طاقة تقدر تكمل بيها يومك بكل نشاط وخصوصا في شهر رمضان
وعلشان كده بيرو هتقدملنا في انت الشبف طريقة عمل السمك بالصلصة في الفرن و اللي ممكن يتقدم معاه الأرز صيادية .
المقادير:
٣ سمكات بلطي متنضفين مغسولين بالخل والليمون والثوم والكمون كويس
٤ بصلات حجم متوسط....*هو بيحب البصل شوية
١ فلفل اخضر رومي
٥ فصوص ثوم
١ طماطم ومعلقتين صلصة
بهارات (ملح_فلفل اسود_كمون_بابريكا)
دقيق عشان تحمير السمك
الطريقة التحضير :
 نحمر السمك نص تحميرة بعد وضعه في الدقيق طبعا .
 ناخد نص البصل المبشور في زيت ونسيبه لحد ما يبدأ يصفر ونحط عليه الثوم ونقلبنم لحد ما يتحمروا .
وبعد كدة نحط عليهم الصلصة بعد ما نخفها شوية بنص كوباية مياة *ولو احتاجت مياه شوية نحط عادي على حسب نوع الصلصة اللي بتستخدميها وبخصوص الطماطماية انا ببشرها واشيل الجلد وممكن نفرمها في الخلاط عادي ونحط الطماطم العصير مع الصلصة ونقلبهم مع بعض وعليهم البهارات و نكتر كمون شوية لان السمك بيحب الكمون والبابريكا بتخليه مسكر وبتزيد من احمرار الصلصة .
 وبعد ٥ دقايق نضيف باقي البصل المبشور على الصلصة ونضيف الفلفل الاخضر متقطع قطع صغيرة جدا ونسيبهم يكملوا تسبيك لحد ما الصلصة تتماسك شوية بس مش تتحرق يعني .
السمك اللي حمرناه نص تحمير ة نحطه في الصينية اللي هنحطها في الفرن ونضيف عليه الصلصة المتسبكة ونتأ كد من ان الصلصة مغطية كل السمك بشكل كامل .
نسيب السمك على نار البوتوجاز لمدة ٥ دقايق وبعد كده نحطه في الفرن ويكون سخن ونسيبه من 15 ل 20 دقيقة وبعد كده نولع الشواية عشان تحمر وشه ومجرد ما وشه يتحمر خلاص نقفل النار عليه .
ملحوظة: البصل اللي وضعناه في نص تسبيك الصلصة عشان يسكر الصلصة ومتجربة وممتازة