مدونة أكلنى

طريقة عمل البيكاتا

طريقة عمل البيكاتا

وعلشان مش كل يوم هتفكري انا هعمل فطار ايه النهاردة أكلني عملك حملة انت_الشيف اللي كل يوم طريقة تحضير أكلة معينة بطريقة سهلة و بسيطة والنهاردة الوصفة الاولي هتقدمهلنا : مروه عبدالبديع اللي هتقولنا طريقة عمل البيكاتا و اللي ميعرفش البيكاتا من الأكلات المطبخ الأيطالي مكوناتها موجودة في كل بيت و مش بتاخد وقت طويل في تحضيرها و ممكن تتقدم مع مكرونة بينا وايت أو الأرز
* ملحوظة هي للفراخ أو اللحمة نوع انتي عاوزاه ^^
المكونات :
نص كيلو بانية
ملح وفلفل " حسب الرغبة "
بصلتين
3 معالق زبدة

2 معلقة دقيق
 كوباية كريمة لباني
 مشروم
 مياة
 ليمون
 لبن
طريقة التحضير :
هتتبيلي نص كيلو بانيه ب بصلتين مضروبين في الخلاط مع ملح وفلفل ومياة لحد ما يبقى عصير وتنقعيهم فيها أكبر وقت ممكن .
 وبعدين هتسخني طاسه وتحطي معلقة زبدة وتقطعي البانيه اى تقطعيه تحبيها وبعدين تشوحيهم في الطاسه وصفي مياة التتبيلة وحطيها على البانيه يستوي بيها واول ما يستوي اعصري عليها ليمونة .
شيلي كل دا من الطاسه وفي نفس الطاسه حطي معلقتين زبدة ومعلقتين دقيق وشوحيهم وبعدين حطي لبن لحد ما يفك وبعدين ضيفي كوباية كريمه لباني ورجعي تاني البانية وضيفي المشروم وربع ساعه واطفي عليها
ملحوظة :
اللي حابه تستخدم مشروم طازة مش بيتغسل هو بيتمسح بفوطه نظيفه أو منديل وبيتشوح الأول شويه.