مدونة أكلنى

طريقة عمل كفتة الحاتي

طريقة عمل كفتة الحاتي

عاوزين تعرفوا ازاي تعملوا كفتة الحاتي في البيت سواء كان من حيث الطعم او الريحة معانا النهاردة في انت الشيف رحمة صلاح هتقدملكوا طريقه عمل كفته الحاتى في البيت
المقادير
نص كيلو لحمه مفرومة *ويفضل يكون فيها نسبة دهن قليله بتفرق فى الطعم
بصله متوسطه مبشوره ومتصفية من المياة
معلقه صغيره ملح
معلقه صغيره فلفل اسود
رشه بهرات لحمه
نصف معلقه بيكربونات الصوديوم من العطار * ودى تركه مهمه ليه بقى علشان تخلى اللحمه هشه ومش مكتومه وتحافظ على حجم اللحمه
فحمه مولعه *طبعا بتفرق فى الريحه والطعم زى اللى بره بالظبط
طريقة التحضير :
فى بوله نحط اللحمه وعليها التفل بتاع البصل من غير المياة والملح والفلفل والبهرات والبيكربونات ونقلبهم كويس ولو فى اسياخ تمام مفيش ولا يهمك ممكن تستخدمى معلقه او عصيان خشب من السوبر ماركت وتعملى عليها صوابع الكفته
 وتجيبى صنيه وتدهنيها زيت بسيط خالص لان اللحمه فيها دهون وترصى الكفته وعلى الفرن علطول و20 دقيقه وتطلعيها على الشوايه تاخد لون ونولع الفحمه فى وسط الكفته تاخد الريحه الحلوه وبألف هنا وشفاء